1. РЭГУЛЯТАРНЫЯ ДАКУМЕНТЫ

Статут ABBA
Кодэкс бізнес-этыкі ABBA

2. МІСІЯ І КАШТОЎНАСЦІ

Місія ABBA - дапамагаць: абараняць, развіваць, умацоўваць і пашыраць беларускі бізнес.

Асацыяцыя беларускага бізнесу за мяжой (ABBA) цвёрда прытрымліваецца прынцыповай пазіцыі адносна супрацоўніцтва з рэжымамі Беларусі і Расіі. Нашы ключавыя прынцыпы і каштоўнасці:

• Мы публічна падтрымліваем санкцыйную палітыку супраць рэжыму Лукашэнкі, якая з'яўляецца неад'емнай часткай барацьбы за дэмакратычныя каштоўнасці.

• ABBA прынцыпова супраць супрацоўніцтва з кампаніямі, якія працягваюць весці бізнес у краіне-агрэсары ў час вайны.

• Лічым непрымальнай падтрымку бізнесаў, якія супрацоўнічаюць з рэжымам, бо гэта супярэчыць палітыцы дэмакратычных краін і падрывае намаганні беларускай дэмакратычнай супольнасці.

• У перыяд узмоцненых рэпрэсій супраць грамадзян і прадстаўнікоў бізнесу ў Беларусі, а таксама падчас агрэсіўнай вайны, любое супрацоўніцтва з рэжымнымі структурамі разглядаецца намі як здрада інтарэсам дэмакратычнай Беларусі.

• Мы бяром на сябе абавязак абараняць рэпутацыю сумленнага беларускага бізнесу і будзем працягваць адстойваць прынцыпы празрыстасці і дэмакратычных каштоўнасцей у міжнародным бізнес-асяроддзі.

ABBA застаецца адданай сваёй місіі падтрымкі незалежнага беларускага бізнесу і будзе працягваць працаваць над развіццём прафесійнай супольнасці, заснаванай на дэмакратычных каштоўнасцях і прынцыпах этычнага бізнесу.

Падрабязнасці можна прачытаць у дэталёвай афіцыйнай пазіцыі ABBA.

3. НАШАЯ ДЗЕЙНАСЦЬ

Прававая і адміністрацыйная падтрымка

Кансультацыі і экспертная падтрымка

Фінансавая падтрымка бізнесу

Удзел у міжнародных бізнес-падзеях

Адукацыя і развіццё

Нэтворкінг

Сацыяльныя і культурніцкія праекты

Падтрымка жанчын у бізнесе

Дапамога ў пераездзе бізнесу

4. ГІСТОРЫЯ

ABBA была афіцыйна створаная ў верасні 2021 года ў Варшаве (Польшча). Першапачаткова АВВА была зарэгістраваная ў арганізацыйна-прававой форме фонду, каб аператыўна рэагаваць на выклікі, з якімі сутыкнуўся беларускі бізнес і падтрымаць кампаніі, якія пераехалі за мяжу. У траўні 2022 года мы пашырылі функцыі нашай арганізацыі, зарэгістраваўшы яе ў форме асацыяцыі, сябрамі якой паводле польскага заканадаўства могуць быць толькі юрыдычныя асобы – гаспадарчыя суб'екты. Сёння АВВА адзіная міжнародная нацыянальна арыентаваная асацыяцыя бізнесоўцаў з беларускімі каранямі ў cвеце. ABBA ўяўляе сабою калектыўны голас сумленнага і этычнага беларускага бізнесу за мяжой.

Ганарымся быць беларускім бізнесам

АВВА падтрымлівае і развівае беларускі бізнес ва ўмовах новых выклікаў і перашкод. Асацыяцыя дапамагае пераадольваць адміністрацыйныя і юрыдычныя бар'еры, каб гарантаваць стабільныя ўмовы для працы і росту. Мы актыўна абараняем інтарэсы нашых сябраў у Польшчы, Літве, Латвіі, Эстоніі і ЗША, выяўляючы і вырашаючы праблемы ў гэтых краінах. Для шматлікіх сумленных беларускіх бізнесоўцаў падтрымка ABBA становіцца вырашальнай для існавання іх кампаній у ЕЗ.